Rí mbro'on, idó rí ndaa dùùn ná mikhuì phú mìtsaán kujma timii mbá'íin à'guáán. Xó ja'ni akhá' jà'ñuu xúgíín à'guáán tsigé, magó mbú'ñúú ló' tsí lakhíin jamí tsí mbá'ún, à'guáán tsigé nagumiin na awún giñúu jamí yu'ndóo dùùn.
Xúgíí giñúu jamí yu'ndóo dùùn najne tsekó minàà, nakhá ragajàn jmá nè xú'khó asndó majne mbàà jamí xú'khué natsígo minà xúgíí i'ñu jamí naxtó'o minàa nè. Rí ginii nawathùun minàà ñajún (hidrógeno), rí iwá wiphi rígà na awun nùmbaa xkua'ní nagi'dú naguma wambá ikhòo átomos, jamí xú'kho nàjne jèño, asndó ná akhújma aguún à'guáán.
Nàgánú mbá mbi'i rí màngíín à'guáán najáñún, namidá tiyiin', xúgíí átomos rí nigajáan awún wambáá à'guáán nostra'a mijna awún mikhuii à'khó na'né rí nawi'thín i'wíín à'guáán.
Xu'khuè má manga xúgíí i'nii (átomo) rí nistrá'an i'wiin à'guáán nine khúmaa numbaa, jàmí xugíí rí rígà inuu jne, ansdó maj ikháán ló'.
Xí thá júwá' à'guáán, ikháá jamí ikhúú ndáwaan ló' muraxí mijna ló' ¿Xó nigumii à'guáán?